tg-me.com/alweyaamosaweyarrrr2626/27814
Last Update:
ندبه لأبو الفضل العباس عليه السلام
وزن بحر طويل..
*مهمومه وأجيت أنخاك يا كافل العلويه*
*بجاه الي أنسبت بالطف أرد والحاجه مگضيه*
🖤🖤🖤🖤🖤🖤
جيتك والگلب مكسور ومنك رايده نظره
الحالي اكفل يخو زينب ابجاه المشت متيسره
وأمسح همي يامولاي وبيدك خاطري أتجبره
*مهضومه ودموعي تسيل الدنيه جارت عليه*
✍أم مرتضى الخزرجي
🖤🖤🖤🖤🖤🖤
مهضومه ودموعي تسيل يامولاي جاوبني
نخيتك وأنت أبو الكلفات وأدري بيك متردني
مهمومه وأجر بخطاي وأتحاشى الي ينشدني
*تعبني الهظم والنوح ولا واحد رحم بيه *
✍خادمة العقيلة ام احمد
🖤🖤🖤🖤🖤🖤
جارت واوجعت دنياي واندبتك يالمشكر
ادري بيك بالكلفات ننخه وبالعجل تحظر
اشكي غصتي وهمي ودمعي بخدي اتحدر
*اريدن تجلي اهمومي بجاه اختك المسبيه*
✍نبضي حسين
🖤🖤🖤🖤🖤🖤
مهضومه وحزن بالروح وأنته بحالتي تعلم
أجيت لحضرتك مولاي بنص روحي ألف مأتم
يريتك تنضر لحالي دمعي من الحزن من دم
*أحلفك بالعزيز حسين تمد جف عطفك اعليه*..
✍ آلــــّعــلّويِـــه آلّمٌوسويِــــۿ
🖤🖤🖤🖤🖤🖤
ياكافل خدر زينب اريدن حاجتي منك
بشيلتهه وعبايتهه وبمعصبهه احلفنك
صارن مو سنه سنتين كل ساعه اندبنك
*علة بنتي تشفيهه بجاه اسكينه وارقيه*
✍️أم محمد علي الشيباني
🖤🖤🖤🖤🖤🖤
بجاه ايتام ابو السجاد والعابد وعماته
تفرح كل كلب مهموم وتقضي بساع حاجاته
وللكاتبهه واليقره الحاضرهن عزياته
*امراد نريد من جفك اليطي بغير مِنّيه*
✍️أم محمد علي الشيباني
🖤🖤🖤🖤🖤🖤
🌹كل ما ينشر بالرابطة
صدقة جارية للرسول صلى الله عليه وعلى آله الطاهرين وعن روح المرحومة
الشاعرة ام عمار الصائغ مؤسسة
رابطة الامام الحسن المظلوم عليه السلام
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيـررها
https://www.tg-me.com/us/آلّشآعرهً آلــــّعــلّويِـــه آلّمٌوسويِــــۿ/com.alweyaamosaweyarrrr2626
BY آلّشآعرهً آلــــّعــلّويِـــه آلّمٌوسويِــــۿ
Share with your friend now:
tg-me.com/alweyaamosaweyarrrr2626/27814